阿嫲現烤手工蛋糕 (已搬遷) 新店位置

🤰🏻自从周街都开满古早味蛋糕舖头，我就很少再买古早蛋糕了，主要系觉得开始滥同唔矜贵。但今日弟妇带咗两个香喷喷嘅古早味蛋糕🍰嚟（金菠萝同肉松），当然要品尝一下啦。弟妇话哩间舖头好出名，除咗古早蛋糕外，其他糕点糖饼都好好食。🥢 好，试吓金菠萝🍍味先。一切开就知龙与凤，哗！真材实料有保证！中间夹有一层凤梨丝，最正嘅系佢有一层薄薄嘅麻薯。蛋糕食落口感细滑湿润，好似海绵🧽咁软绵绵（无牙🦷都食到），蛋味仲好香浓㖭。中间一丝丝嘅凤梨蓉都好香甜好新鲜，麻薯增加咗蛋糕嘅层次，食落好烟靭得意🤤🥢 肉松味又如何呢？第一啖食落去嘅时候，觉得甜中带咸有啲怪，不过食多两啖之后又开始觉得肉松同蛋糕都几夹，愈食愈欣赏呀。肉松好香唔会干，带有少少🤏🏽烤焗味好正，而蛋糕嘅口感就同金菠萝味无乜大分别。佢仲有好多款唔同味，下次想试伯爵茶🍵、椰香班兰🥥或者海盐布朗尼🍫。