你妳 (已結業)

最近发现红磡有一间靓靓的台湾手作店～专门系食芋头吐司。因此今日专登安排晚饭就叫老公猪同我一齐买来试吓～由于本人系因为晚上有咸嘢落肚！因此叫咗一个酥炸大鸡扒蜜糖吐司同埋芋见紫薯吐司。酥炸大鸡扒蜜糖芥末吐司：感觉超级浓郁，脆脆有口感的大鸡扒，再配上甜甜咸咸的蜜糖芥茉酱汁。令到全个口感10分清新柔和。食多两件都唔怕太饱。芋见紫薯吐司：绝对系一个招牌菜。偷听到其他人叫外卖。总会出现呢一个吐司。香脆的面包配上深紫色和浅紫色的馅料。分别有紫薯和芋头。咬落去的时候软绵绵，就好似食紧绵密浓郁的蛋糕一样。但系感觉又健康好多。甜度适中。当甜品食真系一流。最抵+$20可以变成套餐～会包多杯嘢饮同埋一个小食。攞嚟做晚餐真系绰绰有余。我就拣咗一口盐酥鸡配花枝丸和甜不辣地瓜薯条。盐酥鸡炸得啱啱又好香脆，花枝丸弹牙又有咬口。地瓜薯条新鲜炸好～热辣辣两杯嘢饮着都系高于水准之作～金钻凤梨绿茶，清新不会死甜，有淡淡的绿茶香。芋泥珍珠小芋圆：浓郁的芋泥配上白雪雪充满椰香的椰汁，实在令人欲罢不能。