正牌沙田雞粥 (已結業)

今日喺同事口中得知，原来以前沙田好出名嘅沙田鸡粥，喺西环𠮶度重新开店。知道呢个消息之后，决定今晚试一试，回忆一下当年嘅味道。新店比以前嘅舖头门面大好多，而且干净企理。小菜嘅选择亦都比以前多咗。 今晚我哋叫咗一窝鸡粥，加$40可以转鸡脾。 小菜我哋叫咗椒丝腐乳炒通菜，红烧乳鸽，花雕浸乳鸽，椒盐鱿鱼同豉油王炒面。 鸡粥好绵，鸡髀肉好滑，食得翻有当年嘅水准。 红烧乳鸽新鲜炸，香脆多汁。花雕浸乳鸽比想像中香滑，花雕酒味好出。椒盐鱿鱼炸粉好薄，完全唔会靭，食得出啲鱿鱼好新鲜。 豉油王炒面炒得好干身，一啲都唔油。 每样食物都好有水准，服务员嘅态度好殷勤有礼，主动推介时令嘅食物，大家都食得好满足。