「迆」雪糕專門店

营业中

休息中

星期日冇咩嘢做，我同朋友打算由太子行去深水埗，散步吹水🤭。点知行行吓，见到好文艺feel 嘅南枫楼，仲有个好抢眼嘅🍦。咁啱天气好热，行到有啲攰，我哋就决定入去叫支雪糕坐低休息。入到去先发现，「哇，𠮶menu 咁特别嘅😅」，唔系讲笑，又姜味又咸柠七，一开始都几惊中伏🥲，但好彩雪糕都系好食嘅👍🏻，值得一推😆。-💛雪糕（任意两款口味）$38 【豆腐+姜味】软雪糕有四款口味，$38可以任选两款，价钱上不过不失。雪糕食落质地幼滑，入口即溶，个人觉得算系几出色🤩。至于口味，姜味保留到姜嘅独特香气，冇咗呛辣，钟意食姜嘅朋友觉得好好食（我自己本来就唔钟意姜，不过都觉得接受到🤭）。而我个人就大推豆腐味，浓郁到真系每一口都好似食紧豆腐😍。佢哋仲喺雪糕上面洒咗一啲饼碎，丰富口感💛。另外，我觉得一定要称赞佢哋嘅纯素雪糕筒，完全唔软烂，超脆超好味😍。而且佢哋唧雪糕仲有分四层，轮住食两款口味，店员用心，值得加分💛。-回头推介度：4/5 食物质素：4/5餐厅环境：4/5