快樂蜂 (新基商業中心)

营业中

休息中

对我嚟讲Jollibee系一份情怀同童年回忆，廿几年前仲叫祖乐比𠮶阵已经开始食，当年屋企人多数带我去沙田新城市广场𠮶间食，直至中间十几年撤离咗香港，得返中环分店，我都好耐无食，系有次去越南旅行食过，直至前几年重返香港，我就周围试，大大话话全香港Jollibee我都去过over 10间，我可以讲铜锣湾呢间分店系继荃湾分店嚟讲最差的一间。入到去环境好细好逼，座位又少又窄，喺旺区开都咁细间真系好难搞。食物方面就唔系咁得，啲鸡嘅味道就keep到高水准，但真系细只咗好多，另外个意粉好多人未必钟意呢只味，但我几喜欢呢只甜甜哋嘅味道，本身有埋啲芝士味道就好浓郁，但竟然唔落俾我，真系接受唔到，个意粉好似无咗灵魂咁，做嘢咁求其，同之前食荃湾𠮶间一样，下次去返北角𠮶间算。