影片
更多
2021-01-11
71 浏览
前日星期六中午收工，经过红磡黄埔街附近想揾野食，经过呢间门口睇落装修企利，午餐价钱又唔算太贵，选择又多，所以走入去试下。第一次试既西餐厅当然要锯个扒睇下质素如果，点左个午市既西冷扒餐，要5成熟配饭，跟餐汤同一杯热饮，68蚊算系比较普遍既价钱。可惜我睇漏左另外有个小餐牌可以优惠价加配小食，啲款式好似好吸引，下次可以加黎试下。首先黎左个餐汤罗宋汤。话说我都系听到隔离枱问人，我先知原来有白汤可以选择，不过侍应帮我点餐时冇问过我要白汤定红汤。讲番个罗宋汤，首先一上枱碗汤已经滩冻左，得番少少暖，唔够热，何况当日天气冻自然想饮碗够热既汤。其次系用黎饮汤既匙太大只，用黎饮汤有啲奇怪。不过碗汤既味道系有既，酸劲唔错，配有好多蔬菜，不过就揾唔到牛肉。跟著就上个西冷扒跟饭啦。旧扒既颜色比较啡色，我唔肯定旧扒系咪煎既时间多油得制，定系煎完再炸过黎，不过应该系冇入过焗炉。总之出黎既口感同出面既餐厅扒房都好唔同。要求系5成熟，睇颜色感觉就过熟，不过咬落去还可以接受，唔算太韧。至于味道又个人觉得过咸，应该系腌料比较重，盖过晒啲牛肉味。以呢旧西冷扒呢评分的话，只可以话系中规中矩。价钱相近的话可以揾到其他餐厅既西冷扒
第一次试既西餐厅当然要锯个扒睇下质素如果，点左个午市既西冷扒餐，要5成熟配饭，跟餐汤同一杯热饮，68蚊算系比较普遍既价钱。可惜我睇漏左另外有个小餐牌可以优惠价加配小食，啲款式好似好吸引，下次可以加黎试下。
首先黎左个餐汤罗宋汤。话说我都系听到隔离枱问人，我先知原来有白汤可以选择，不过侍应帮我点餐时冇问过我要白汤定红汤。讲番个罗宋汤，首先一上枱碗汤已经滩冻左，得番少少暖，唔够热，何况当日天气冻自然想饮碗够热既汤。其次系用黎饮汤既匙太大只，用黎饮汤有啲奇怪。不过碗汤既味道系有既，酸劲唔错，配有好多蔬菜，不过就揾唔到牛肉。
跟著就上个西冷扒跟饭啦。旧扒既颜色比较啡色，我唔肯定旧扒系咪煎既时间多油得制，定系煎完再炸过黎，不过应该系冇入过焗炉。总之出黎既口感同出面既餐厅扒房都好唔同。要求系5成熟，睇颜色感觉就过熟，不过咬落去还可以接受，唔算太韧。至于味道又个人觉得过咸，应该系腌料比较重，盖过晒啲牛肉味。
以呢旧西冷扒呢评分的话，只可以话系中规中矩。价钱相近的话可以揾到其他餐厅既西冷扒可以做得好少少。不过呢间餐厅仲有好多类型既野食，好以试多几款先再总结评价。
比较满意既就系服务同杯热咖啡~
张贴