蛋卷皇后 (已結業)

有唔少外地人都晌网上讨论蛋卷皇后,有blogger仲话佢嘅品质媲美港岛驰名老店XX号.一向有闻XX号嘅蛋卷买来不易,一系就打电话预订,不过线路多数繁忙,一系就亲身去店外排队,听讲有人天未光已经晌门口守候,真系几夸张,可见XX号几咁有人气.托朋友之福,我都曾有幸食过XX号嘅蛋卷,的确几有烤香同蛋香.而蛋卷皇后就有几间分店,买起嚟比XX号易好多,咁就买咗罐食下,蛋卷做得挺身唔易碎,口感松化,算系唔错,但烤香同蛋香就唔突出.晌老店一罐难求嘅情况下,蛋卷皇后都算系较易买到嘅慰藉.