盛八食堂 (已結業)

朋友见到餐厅名盛八，应该会有番相应既质素。去到先知焗炉坏左，所有焗既菜式都冇得试，真可惜。菜单上推荐鸡扒蛋包饭就叫左，再加半价餐饮。外貌不错，颇吸引。鸡扒不过不失，正常味道，又唔老。鸡扒上有萝卜蓉，但可能分量少，食唔到有咩味。有分两边汁，白汁普通，菇菌都不错，烧汁较合我口味。蛋冇流心，好似一块炒煎蛋包住而已。而且饭有部分较硬，较为失望。餐饮叫左冻柠檬茶，我估应该加左少许青柠汁？入口都几爽几特别，但应该未必人人钟意。另外叫多左杯冻奶茶，反而喜出望外，茶同奶味刚刚好。餐厅环境都ok,坐得都舒服，两人都俾四人桌。桌上面既蛋型调味樽几得意。