一粥麵 (新都城中心二期)

营业中

休息中

今日原本心情靓靓出门，时间尚早去帮趁下呢间大集团食个早餐，十点几唔系太多人，去收银买完飞去柜面等叫号码攞野食，等左约5分钟，我手上张飞个号码「484」出现，埋去见全部阿姐都垂低头忙紧无人理我，刚好见到枱上有一盘系我叫左嘅粟米粥同萝卜糕无人认领，谂住自己去对下张单个号码系咪我的（我绝无碰过D食物，只系揸住自已手上张飞个号码谂住对下个盘上张飞个号码而以），阿姐反应好快地马上抬高头话：「送餐架㖞~~ ! 」我即刻缩手，阿姐霸气地再补多一句：「唔好见到野就乱攞啦！！」，D话气态度.....💪，我就同果位阿姐讲，唔系我嘅都唔洗闹嘛！讲一句就得啦！我当刻心情即刻跌左落谷底，以为自己系度轮紧社会福利署D饭盒。睇左一阵原来我D食物仲未做好，咁就唔好打我个号码叫我啦！总结：大集团派米阿姐都特别有霸气，我呢D蚁民入去光顾真系要打醒十二分精神。