影片
更多
2015-05-12
1157 浏览
朋友搞局，话食私房菜，懒神秘话仲要晌观塘厂厦里边，哈哈，原来喺御膳，即时话佢知小弟曾经到访过，不过，依然有兴趣再访，因为，佢哋嘅私房菜实在有质素，似乎做出啲成绩，有种载誉归来之势。今次重临，门面无晒啲杂志专访嘅报导，更有私窦感。因为有朋友打点，所以，唔使其他人操心，亦一早收到菜单，多款菜式都喺未试过。而去到餐厅，仲一早坐满客人，真喺唔订位就无得食。麻辣卤水大拼盆唔使多讲，就知喺麻辣夹卤水嘅组合，拼盘有牛肚，鸡丝，猪肠，惹味还惹味，但真喺辣得刺激，而牛肚好爽口，鸡丝好绵滑，猪肠唔肥又无乜猪臊味。蒜蓉粉丝蒸大蛏子皇第二道上场喺热辣辣嘅蛏子皇，只只都好大只，斤两十足， 蛏子既弹牙，又鲜甜，而且蒜味香浓得恰到好处，唔会冚晒啲蛏子鲜味。底下沾满蒜香及豉油味嘅粉丝，亦唔好错过。避风塘炒大肉蟹依度整肉蟹有好多做法，四川香辣炒、豆豉凉瓜焗、姜葱上汤炒、麻辣水煮……等等，避风塘炒算得上店家嘅招牌。睇见对蟹钳，就知只蟹斤両十足，一整碟铺满炸蒜粒，香气四溢，我哋选上小辣，微辣醒神，蒜香惹味，肉厚味鲜，所以，大家都赞，食到吮晒手指。花雕鸡油蛋白蒸大肉蟹食完个避风塘炒，再嚟个花雕鸡油蛋白蒸，实在满足晒钟意食蟹，
因为有朋友打点，所以，唔使其他人操心，亦一早收到菜单，多款菜式都喺未试过。而去到餐厅，仲一早坐满客人，真喺唔订位就无得食。
麻辣卤水大拼盆唔使多讲，就知喺麻辣夹卤水嘅组合，拼盘有牛肚，鸡丝，猪肠，惹味还惹味，但真喺辣得刺激，而牛肚好爽口，鸡丝好绵滑，猪肠唔肥又无乜猪臊味。
麻辣卤水大拼盆
37 浏览
0 赞好
0 留言
蒜蓉粉丝蒸大蛏子皇第二道上场喺热辣辣嘅蛏子皇，只只都好大只，斤两十足， 蛏子既弹牙，又鲜甜，而且蒜味香浓得恰到好处，唔会冚晒啲蛏子鲜味。底下沾满蒜香及豉油味嘅粉丝，亦唔好错过。
蒜蓉粉丝蒸大蛏子皇
44 浏览
0 赞好
0 留言
避风塘炒大肉蟹依度整肉蟹有好多做法，四川香辣炒、豆豉凉瓜焗、姜葱上汤炒、麻辣水煮……等等，避风塘炒算得上店家嘅招牌。睇见对蟹钳，就知只蟹斤両十足，一整碟铺满炸蒜粒，香气四溢，我哋选上小辣，微辣醒神，蒜香惹味，肉厚味鲜，所以，大家都赞，食到吮晒手指。
避风塘炒大肉蟹
46 浏览
0 赞好
0 留言
食完个避风塘炒，再嚟个花雕鸡油蛋白蒸，实在满足晒钟意食蟹，又想多花款嘅朋友。花雕味唔太重，只喺隐若有微微酒香，可以加重多少少都得，但蟹肉嘅鲜味实在喺度菜嘅亮点，蛋白亦十分滑溜。个人觉得先食个花雕蒸，后食个 避风塘炒，先淡后浓，可能整体效果好啲。
花雕鸡油蛋白蒸大肉蟹
41 浏览
0 赞好
0 留言
江南百花鸡百花即喺虾胶，依道菜即喺虾胶酿鸡，虽然我哋被安排享用半只，但已好够皮，因为每件鸡酿有大大嚿虾胶，入口爽弹，而且鸡件已经去晒骨，入口啖啖肉，淋上个琉璃茨，好美味嘅一道升级版家禽菜式。
江南百花鸡
103 浏览
0 赞好
0 留言
富贵金龙个名就晒贵气，金龙仲以为喺蟮之类，原来喺原条沙巴龙，起肉之后一边咸蛋黄炒，另一边酥炸，再砌番鱼形，卖相一啲都唔「求其」。前者味道咸咸香香，后者酥炸配蛋黄酱，外脆内嫩。不过，要挑剔喺咸蛋黄部份有少少过咸，而酥炸部份亦未见惊喜，算喺特别得嚟平稳嘅菜式。
富贵金龙
57 浏览
0 赞好
0 留言
白胡椒爆炒南非鲍鱼之前都曾经食过，好欣赏佢个做法，今次再遇，自不然钟意啦。南非鲍鱼个个有近柠檬咁大，哎落爽得嚟带点咬口，肉质软腍而烟韧，白胡椒香而不辣，水准无差到。
白胡椒爆炒南非鲍鱼
58 浏览
1 赞好
0 留言
比起斩成细细粒嘅腓排或肉排，以大条嘅猪肋骨做，当然感觉有份豪气；肋排炸过，所以一咬会有种焦脆感，而个士多啤梨汁甜而不腻，淡淡甜味，又有少少酸香，颇醒胃嘅菜式。
士多啤梨骨
27 浏览
0 赞好
0 留言
上汤浸时菜虽然平凡，但菜心的确清甜好食，浓郁嘅上汤让菜心更好味，面面再放啲蒜子，炸香，浸透，同样好味。
上汤浸时菜
51 浏览
0 赞好
0 留言
叫得「招牌」当然喺耍家之作，材料丰富，包括虾仁、带子、牛柳粒，咸蛋蓉、冬菇、葱花。上次食记得好好味，唔知喺咪今次改用咗珍珠米，虽然食落唔油，但喺口感无咁爽身，仲有点湿润嘅黏糯感，之不过，始终喺好多料嘅制作，丰富嘅口感，而且饭粒好入味。
招牌御膳炒饭
36 浏览
0 赞好
0 留言
菠萝鸟最后嘅生果盘，上次嘅「岩石西瓜」之后，今回个菠萝鸟一样有惊喜，有好多生果，果盘做得有心思，砌成一只鹦鹉咁。生果有香甜嘅新鲜菠萝、士多啤梨、蓝莓、奇异果（未熟，有啲酸）、爽脆清甜嘅蜜桃片，实在叫人食得开心。友人打趣问个菠萝壳会唔会翻用，我谂就唔会喇，因为做下一个都要再切啲新鲜菠萝，所以都无需要循环再用。
菠萝鸟
73 浏览
1 赞好
0 留言
张贴
