影片
更多
2012-10-10
10 浏览
7月10日, 滑滑呀嘟嘟似猪膏咁滑~~~ 肠粉就最紧要够滑~ 其次就睇埋馅料够唔够特别! 我同呀比都好钟意食肠粉, 成日都会去揾下d特别肠粉食~ 当中就数佐敦堂记印象最深刻… 而太子就竟然开咗间叫自己做第一肠粉嘅肠粉专门店!平日夜晚, 店外架起排队栏杆, 但店内其实只得一枱客, 我地就一于入去探下虚实~::: 招牌第一拉肠 ::: $19叫得做招牌第一拉肠就梗系要叫嚟试下啦! 由于佢地声称肠粉都系即叫即做, 所以落完单都要等一阵先有得食. 肠粉份量的骰, 上枱时够晒热辣辣! 所谓招牌第一馅料其实就系菜甫肉碎, 听落都几新鲜特别嘅~ 肠粉皮都几透薄, 隐约会见到里面嘅菜甫肉碎馅, 咬落都算爽滑. 不过菜甫肉碎同肠粉之间嘅化学作用唔大, 菜甫肉碎咸得嚟感觉硬系好似应该送饭或送粥咁…::: 姜汁猪润拉肠 ::: $19姜汁猪润肠比招牌第一拉肠味道更好~ 而且真系比出面d猪润肠优胜! 优胜嘅地方系因为佢阵浓浓嘅姜汁味! 姜汁唔单止辟走猪润嘅腥味, 仲吊起晒猪润鲜味~ 如果个猪润质地可以再沙d就更好食喇~::: 鸭肾菜干猪骨粥 ::: $20菜干猪骨粥颜色都几深, 证明d菜干精华都溶晒入粥度,
::: 招牌第一拉肠 ::: $19
叫得做招牌第一拉肠就梗系要叫嚟试下啦! 由于佢地声称肠粉都系即叫即做, 所以落完单都要等一阵先有得食. 肠粉份量的骰, 上枱时够晒热辣辣! 所谓招牌第一馅料其实就系菜甫肉碎, 听落都几新鲜特别嘅~ 肠粉皮都几透薄, 隐约会见到里面嘅菜甫肉碎馅, 咬落都算爽滑. 不过菜甫肉碎同肠粉之间嘅化学作用唔大, 菜甫肉碎咸得嚟感觉硬系好似应该送饭或送粥咁…
::: 姜汁猪润拉肠 ::: $19
姜汁猪润肠比招牌第一拉肠味道更好~ 而且真系比出面d猪润肠优胜! 优胜嘅地方系因为佢阵浓浓嘅姜汁味! 姜汁唔单止辟走猪润嘅腥味, 仲吊起晒猪润鲜味~ 如果个猪润质地可以再沙d就更好食喇~
::: 鸭肾菜干猪骨粥 ::: $20
菜干猪骨粥颜色都几深, 证明d菜干精华都溶晒入粥度, 啖落有阵菜干甘甜味, 仲有成条猪骨比你吮, 不过就无乜味, 仲有些少碎骨… 粥底方面半身唔算好绵, 鸭肾亦都切成细细粒, 食到都唔觉𠮶只. 成个粥整体味道偏清淡, 当清下肠胃食都ok嘅~
::: 豆浆 ::: $5
豆浆饮落都有淡淡豆味, 但质地较稀, 似系沟咗唔少水… 胜在够冻, 送热辣辣嘅肠粉啱晒.
其实讲到肠粉第一, 点讲都应该系堂记更高一班~ 不过观乎呢带, 一间四正又唔贵嘅肠粉专门店又真系有佢嘅卖点嘅! 虽然唔算超好食, 不过都系肠粉瘾起时一个好去处~
张贴