十二鍋 (已結業)

🍲自从唔再食卜野家之后就好耐无食呢啲轻便一人锅，其实都几怀念果种轻轻松松一百几十蚊嗌个锅有齐唔同料一镬熟然后慢慢叹嘅感觉🤥最近畀我发现佐敦就有间类似嘅一人火锅店，十几款锅物畀你拣猪牛鸡唔同汤底同配料嘅配搭都有，花多眼乱真系会选择困难㗎！🍲芝士竹轮寿喜烧套餐 $➊➊➎寿喜烧汤底算系人气之选，呢个锅除左主角牛肉同埋芝士竹轮，仲有蟹棒、炸支竹、蜂巢豆腐、香菇、南瓜、粟米等等嘅配料。当然加埋只生鸡蛋先至称得上正宗寿喜烧啦。🍲台式沙茶肥牛窝套餐 $➊➊➎ 沙茶酱汤底味道十足，除左同上一个锅类似嘅配料，呢个锅仲有牛丸、芋头贡丸呢啲特色食材。食到一半落埋个乌冬落去煮，索哂浓浓汤底嘅精华。跟餐加配埋杯芋香奶绿珍珠，简直系完美嘅配搭🤪🫔芋头鱼卷 $➍➋类似平时食到嘅鱼肉春卷，用腐鱼包有芋头泥同埋鱼肉，炸香后外脆内嫩。内馅用芋头同鱼肉2种唔同口感嘅食材而制，咬落几特别，味道亦都算几夹。一碟小食份量都几多，岩哂2个以上嘅朋友分享。🍖夜市鸡皮卷 $➌➏好地道嘅一款台湾小食，去亲台湾夜市几乎必嗌，即刻拎翻少少去台湾旅行嘅感觉先。用薄薄鸡皮包翻住鸡肉再拎去炸香，高温炸嘅过程可以逼翻哂鸡皮嘅脂肪岀黎，变成一块脆片。