自家工房 (已結業)

有时人总系都偷下懒，咩都唔想搅，唔煮饭，唔排队，唔入餐厅食，想轻轻松松系屋企食个外卖就算。今日就决定是是旦旦系街市买𩠌就顺路买埋外卖返去当午餐。今次拣左呢间食台式野。叫左个盐酥鸡肉燥饭，入面有旧菇同蛋做配料。个菇无咩味，似白灼果type，个蛋就唔同，做到有小小流心，好滑下。肉燥汁份量足够，可以满足我呢d汁low饭的朋友。最后就讲讲个盐酥鸡，份量绝对足够，有四大旧，唔会食到得饭gum dry。个鸡可能放左系盒入面，唔够堂食果d酥脆，但都不至于一口粉。另一次食过药膳排骨拌面，菇系一样照旧淡味，蛋依旧唔错，拌面个面唔会好淋，汁就够味。可惜个药膳排骨无可能同台湾果d比，做唔到台式风味。俾唔到台湾风味出黎。以街市的质素，超长的营业时间，既方便又唔贵的角度黎睇，呢间都可以医肚之选。