瑞士咖啡室 (已結業)

星期日去湾仔食下午茶，望到餐厅坐满囇人，以为冇位要等，但原来入面好大好大，好多位。咁我地就叫左两个下午茶餐。极钟意食多士嘅我紧系叫返个多士先，同埋叫左个吞拿鱼烚蛋多士，配两杯冻奶茶。芝士火腿西多士（$37）好厚嘅西多士，我谂都有4cm厚，入面有火腿同埋芝士，呢个西多炸到金黄色，岩岩炸上黎，而且好有蛋味，芝士仲要溶溶地，连埋火腿趁热食，真系好好食！上面旧牛油都大旧，配埋糖浆一流！下次可以试下。吞拿鱼烚蛋多士（$27）唔想食咁heavy又想食啲野，吞拿鱼烚蛋多士最好不过。面包烘到脆卜卜，上面放上吞拿鱼同烚蛋，烚蛋都系冻嘅，不过都系夹嘅。做早餐或者下午茶都ok！呢两个做下午茶止下口真系岩岩好，份量唔太多，又唔太heavy，食完夜晚仲食得落，埋单都只系$70，好抵。