台灣麵 (已結業)

午饭时间，黎到太子呢间台湾面，见到完全唔需要等位，适合晒番工时间赶食 lunch 嘅上班一族。Menu 嘅 lunch set，都有唔少选择，有面有饭。既然叫得做台湾面，就试一试佢嘅红烧牛肉面套餐。另外怕净食面唔饱，叫多左个卤水鸡翼小食。如果食开重口味类似永康牛肉面嘅红烧牛肉面的话，呢度嘅牛肉面就比较轻怡，味道无咁咸无咁重口味。牛肉真系炆得十分「稔」，易咬但又未至于肉质松散，值得一赞！至于鸡翼都卤得唔错，食得出唔系用千年卤水浸左极耐，仍然系有清新嘅八角味。见到 menu 有好多台式饮品，今次无叫到，下次要试一试先！