漁匠料理 (已結業)

之前黎呢度都系假日黎食午餐，今晚经过，就黎个一人晚餐吧~接近九点，唔驶等位!一个人叫左个备长炭寿司盛$98，帆立贝，海鳗、鱿鱼、珍宝赤海虾、蒲烧鳗鱼寿司各一件。个人钟意食火炙寿司，因为喜欢火炙后更香口， 用炭烤感觉就更加"原始"，烤完后仍能食出鲜味，正! 每件都几大件，好新鲜~ 用木板上，比用碟卖相更吸引!本来谂住咁夜食板寿司就够(夜食野好肥架!)，但眼见枱枱都有个碳炉仔烧野食，好吸引，咁就加码啦~~ 我系蟹迷，就叫左呢个 - 渔匠蟹味噌甲罗烧$78。上枱时店员讲解要点烧同点食，原来烧一阵就要搅晕佢，等啲蛋汁熟左就食得，唔系好易烧㶶。烧左阵，店员即该帮我搅晕佢，哈，佢又知我搅唔掂。再烧多阵，店员又帮我夹起上碟，真好服务!! 蟹肉同成pat蟹膏+蛋汁捞埋，炭烤后再放上薯片食真系谂都未谂过。啖啖蟹肉真系食得爽，完全冇渣同冇蟹软骨! 食蟹都可以食得好优雅!其实好想食甜品，不过够了! 埋单唔驶加一。特色的一餐~