一品螞蟻

营业中

休息中

周不时都会食呢间，贪佢位置方便，坐位阔落又舒服。而且座位多，每次去都会有位唔使排队，减少好多烦恼。午餐餐牌都几多选择，主打有呢个西式 lunch set ， 一至八号，猪牛鸡鱼素食俱备，价钱都系五十几至七十几。若果想清淡啲，食碗粉都得，从 A 至J 有肉有丸，配埋餐饮都系五十有找，实在是潮州牛杂鱼蛋面店之价钱咋......今天唔肚饿，食碗面好了。系猪软骨 mix 紫菜鱼卷米粉，连埋餐饮同加一，盛惠 $54。汤够清，唔油腻；猪软骨好入味，又够淋；反而紫菜鱼卷就比较淡，冇乜味。最后，杯咖啡仲好有水准。抵食啦！