Coffee Talks (已結業)

经常行开旺角花墟见到呢间文青cafe, 成日想帮衬, 但系次次假期经过都爆晒要等位, 所以未有机会试到, 难得今个星期放大假, 经开花墟, 决心去试下, 11点左右岩岩开门未有人, 入到去, 店内装修格局舒适, 最岩放假既人轻松下, 睇一睇餐牌, 款式都好多, 价钱亦算适中, 难得放大假食好啲, 叫左个新英伦风格早餐加杯美式咖啡, 个早餐来到我都哗左一声, 份量大到绝对对得起个价钱, 同埋用料绝对唔马虎, 什果沙律上有parma ham, 又有smoked salmon, 个蛋仲要系水煮蛋加黑松露酱, 睇都出厨师既用心, 对于我呢啲食开all day breakfast 既人来讲, 呢个早餐绝对系高质素, 没有之一, 配埋杯热咖啡, 可以话呢个早餐绝对满足到我放假既心情, 难怪次次经过呢间餐厅见佢都甘多人, 餐牌上仲有意粉, 意大利饭, pizza burger, 下次要来试下其他野食.