Espuma (H8) (已易手) 新餐厅

平时去尖沙咀都系食韩国菜多，今次同朋友决定换下口味，食西班牙菜之前嚟过espuma食tea，觉得几好味，价钱又ok，就决定嚟试下佢嘅晚餐~呢度装修过，lift口缤纷嘅壁画同店内富有色彩嘅布置都俾人年轻嘅感觉。店内灯火通明， 相比一般光线昏暗嘅欧洲菜餐厅，呢度感觉冇咁拘谨，较轻松嚟得食西班牙菜梗系要食tapas啦，我哋叫咗2个tapas，焦糖单骨鸡翼同黑毛猪火腿配蕃茄酱及多士。焦糖单骨鸡翼($58)新鲜滚热辣，食嘅时候要小心荡口 蜜糖鸡翼就食得多，冇谂过焦糖同鸡翼都可以咁夹。鸡翼嘅外皮炸得香脆，配以焦糖同少量黑椒，甜味当中带有一丝微辣，惹味非常另一个tapas系西班牙黑毛猪火腿配蕃茄酱及多士($188)，order嘅时候冇谂过系咁大盘呢火箭菜嘅清新刚好减低火腿浓烈嘅咸味，而火腿肉同脂肪比例好好，食到油脂的甘香但又唔会腻。另一边嘅小多士配上酸甜嘅蕃茄沙沙酱几开胃～因为想留肚食甜品，所以主菜就只系叫咗一个，炸蟹拑墨鱼汁烩饭($118)。墨汁饭咸咸哋，入面应该加咗d洋葱，爽爽哋，增加口感。但食完记得要即系抺一抺嘴呢甜品就叫咗彩虹麻糬窝夫，配朱古力雪糕($78)。窝夫卖相十分吸引，口感外脆内烟靭