影片
更多
2018-02-12
1439 浏览
平时食放题黎黎去去都系果几间，虽然食极唔厌，但我个佬话无新意🤣好！今次比佢㨂～就㨂左呢间新开既酒店式放题。要食梗系食最抵既时段，6点半前入坐，$278+1 食两个半钟, 好耐无食过夜晚放题，因为平时食开果d 都比较贵，所以今晚平平地～轻轻松松食下唔使驳左条老命🤣。✨先讲环境真系几大，6点几已经差不多坐满，我未试过食放题，枱同枱之间既距离系阔过一张2人枱😱。入面仲有间房比小朋友玩，真系好贴心。✨自助区有好多野食，冷盘一定抢先拎。青口最好食，够大只鲜甜，有酒店质素。翡翠螺相对细粒，味道比较逊色。✨仲有甜品区，沙律区，凉伴小食。试左个柚子醋米茄，味道又几清新～食落凉浸浸，忍唔住食多两旧。✨饮品除左冻柜，仲有常温区的，啱晒唔饮得冻既我。不过今日黎无左果只韩国柠檬啤，想饮可乐就剩系得zero～之后冲左个玄米茶，个茶包唔知系咩牌子，但个味好香。仲有我最爱既水果茶，不过味道就比较淡，最后转战梅酒❤️好饮。✨之后试左个大根牛骨汤，几清甜又够味。除左汤佢仲有d 中式野～好似莲子杏仁茶，黑糖红枣茶等等。✨刺身几新鲜鲜甜，赤贝，甜虾，蟹脚，带子，蟹脚都再encore 😚✨黑松露油甘鱼，松露味超浓的。✨鹅肝带子
要食梗系食最抵既时段，6点半前入坐，$278+1 食两个半钟, 好耐无食过夜晚放题，因为平时食开果d 都比较贵，所以今晚平平地～轻轻松松食下唔使驳左条老命🤣。
✨先讲环境真系几大，6点几已经差不多坐满，我未试过食放题，枱同枱之间既距离系阔过一张2人枱😱。入面仲有间房比小朋友玩，真系好贴心。
✨自助区有好多野食，冷盘一定抢先拎。青口最好食，够大只鲜甜，有酒店质素。翡翠螺相对细粒，味道比较逊色。
青口
22 浏览
0 赞好
0 留言
✨仲有甜品区，沙律区，凉伴小食。试左个柚子醋米茄，味道又几清新～食落凉浸浸，忍唔住食多两旧。
醋米茄
27 浏览
0 赞好
0 留言
✨饮品除左冻柜，仲有常温区的，啱晒唔饮得冻既我。不过今日黎无左果只韩国柠檬啤，想饮可乐就剩系得zero～之后冲左个玄米茶，个茶包唔知系咩牌子，但个味好香。仲有我最爱既水果茶，不过味道就比较淡，最后转战梅酒❤️好饮。
✨之后试左个大根牛骨汤，几清甜又够味。除左汤佢仲有d 中式野～好似莲子杏仁茶，黑糖红枣茶等等。
✨刺身几新鲜鲜甜，赤贝，甜虾，蟹脚，带子，蟹脚都再encore 😚
刺身
18 浏览
0 赞好
0 留言
✨黑松露油甘鱼，松露味超浓的。
黑松露油甘鱼
21 浏览
0 赞好
0 留言
✨鹅肝带子寿司必食😚好鲜甜肥美。
不过个火炙牛肋肉我食果件有筋，韧得济咬唔开。
鹅肝带子寿司
22 浏览
0 赞好
0 留言
✨海胆军舰都系回本之选，海胆易入口，紫菜够脆身。
海胆军舰
24 浏览
0 赞好
0 留言
✨卷物方面味道ok,但我觉得个饭比较厚身。
✨盐烧虾够大只，肉质结实鲜味，外壳又唔会过咸，超like👍🏻
盐烧虾
14 浏览
0 赞好
0 留言
✨和牛薄烧，个汁甜甜地加上有d 黑椒几惹味。
和牛薄烧
14 浏览
0 赞好
0 留言
✨炸物我觉得㶶左d, 所以个年糕表层有d 硬。不过我最钟意系蕃薯仔天妇罗，我觉得用黎做天妇罗好食过烧，因为无咁干，拎黎点雪糕食正🤣
蕃薯仔天妇罗
14 浏览
0 赞好
0 留言
✨烧帆立贝，呢个沙律酱够多味道够酸好开胃
烧帆立贝
14 浏览
0 赞好
0 留言
✨羊鞍唔知系咪同平时羊架唔同，似一块扒咁少左支单骨，不过佢d 肉几腍几香。
羊鞍
12 浏览
0 赞好
0 留言
✨食食下店员拎左个铃铃出黎，原来有乳猪，超多人排，不过饱无食到。
✨出面d甜品其实都无咩点试，试左个马豆糕同芒果布甸，味道唔太甜感觉一般。orea 蛋糕个mousse 比较实，饼底唔脆。木槺布甸就最好食，起码d cream 够滑，甜度刚好。
✨主要梗系留肚食雪糕，雪糕味道有haagen daz, movenpick士多啤梨味， 同埋movenpick 既意式奶冻味。😭点解咁少嫁。不过呢个味真系超正，入面仲有d 红莓酱，酸酸甜甜咁👍🏻
movenpick 意式奶冻味
35 浏览
0 赞好
0 留言
✨食物款式以画纸黎讲唔算多，不过少d 野食，个胃反而轻松d,可以慢慢食 🤣呢度胜在环境够大，啱晒一家大细有小朋友，四人同行一人半价，价钱唔算贵都可以试一试。
张贴
