Délifrance (已結業)

食得多丰盛既晚餐 间中都想来个轻食晚餐 刚好同饭脚去尖沙咀品酒 半饱半腻状态之下 于是走到尖东附近睇睇有咩轻食之选 见到Délifrance 回忆即刻返晒黎 好耐都无食过了 而且Délifrance已经买少见少...Délifrance主打轻食 当然亦有不少饱肚之选 例如意粉之类 不过半饱半腻 来一客牛油果素麦包+素菜汤最适合不过 既可满足口腹亦不会加重负担 麦包质感颇硬 一如麦包质地不过亦不难入口 入口有点粗糙 不过幸而味道不错配上新鲜生菜青瓜蕃茄生洋葱以及牛油果  再沾上黑醋汁 味道酸酸地又带有轻淡甜味 配合得宜 口感清新唔觉腻 加上全素 倍感健康 不过就是略嫌牛油果太少 食落完全唔觉有牛油果存在 有点可惜 蔬菜汤味道酸酸 菜料都不算少 饮落颇开胃 餐汤配有一小块麦包 用来沾汤伴食蛮不错 餐厅周遭气氛宁静 店员亦不会赶客悠闲地坐上半日 实属偷得浮身半日闲