影片
更多
2018-02-04
489 浏览
早两日睇到杂志话，观塘最近新开咗一间意大利手工意粉餐厅， 而且系由正宗意大利人主理， 一去到门口其实都几多人排队㗎，基本上都要等一段时间，不过有得留名喺度咁登记排队。坐低嘅时候店员会送上，一碟热辣辣又十分香脆嘅面包，配上橄榄油同埋黑醋。面包热辣辣脆脆地非常香口，而且橄榄油同黑醋酸酸甜甜，食落非常开胃。 焗辣汁八爪鱼薯仔配面包八爪鱼同埋薯仔，配上一啲甜甜辣辣嘅酱汁， 亦有少少忌廉汁， 八爪鱼同埋薯仔非常之索汁，加上红腰豆食落口感好Rich， 而最好味嘅就系番茄酱同面包，食得出系由干番茄同香草及蒜制成，一唔小心就食多几粒。每啖咬落去都会睇到好多干蕃茄碎同埋蒜头， 同新鲜番茄非常唔同， 可以话系浓郁咗好多，食落系好有茄味同蒜味， 作为餐前小食，呢个真系一流。意大利手工大方形云吞配芝士牛肝菌馅配牛油橄榄油淡淡嘅牛肝菌意大利云吞，配上忌廉同芝士煮成嘅酱汁， 食落非常香口， 虽然小小嘅一碟，但原来都几饱，而且好多好香既菇菌味，店员仲会疯狂帮你加芝士，芝士迷必试。切开云吞入面，仲会见到唔少牛肝菌芝士馅， 除咗好香菇味，亦有好多芝士，不过唔会好漏， 反而仲几清新。蒜蓉煮青口满碟既蓝青口， 由鸡汤、白酒
坐低嘅时候店员会送上，一碟热辣辣又十分香脆嘅面包，配上橄榄油同埋黑醋。面包热辣辣脆脆地非常香口，而且橄榄油同黑醋酸酸甜甜，食落非常开胃。
焗辣汁八爪鱼薯仔配面包
八爪鱼同埋薯仔，配上一啲甜甜辣辣嘅酱汁， 亦有少少忌廉汁， 八爪鱼同埋薯仔非常之索汁，加上红腰豆食落口感好Rich， 而最好味嘅就系番茄酱同面包，食得出系由干番茄同香草及蒜制成，一唔小心就食多几粒。
每啖咬落去都会睇到好多干蕃茄碎同埋蒜头， 同新鲜番茄非常唔同， 可以话系浓郁咗好多，食落系好有茄味同蒜味， 作为餐前小食，呢个真系一流。
意大利手工大方形云吞配芝士牛肝菌馅配牛油橄榄油
淡淡嘅牛肝菌意大利云吞，配上忌廉同芝士煮成嘅酱汁， 食落非常香口， 虽然小小嘅一碟，但原来都几饱，而且好多好香既菇菌味，店员仲会疯狂帮你加芝士，芝士迷必试。
切开云吞入面，仲会见到唔少牛肝菌芝士馅， 除咗好香菇味，亦有好多芝士，不过唔会好漏， 反而仲几清新。
蒜蓉煮青口
满碟既蓝青口， 由鸡汤、白酒、洋葱同唔同嘅蔬菜，加上香蒜煮成， 食落除咗有青口嘅鲜味，亦有蔬菜嘅香甜 ，食完青口，连汁都可以饮埋，正呀。
意大利云呢拿雪糕
听店员讲佢哋嘅雪糕，系由意大利直接入口，同坊间嘅雪糕非常唔同，而且仲配上黑醋酱， 食落非常有层次，每一啖咬落去酸酸甜甜再加埋奶味， 非常特别，而且啲雪糕咬开，就会睇到有一点一点嘅云呢拿籽， 真系好新鲜好香。
另外食完嘢，仲可以喺舖头入面买唔同嘅材料，返屋企自己整，例如有黑醋、松露盐、橄榄油，同埋唔同款嘅手工意粉、意大利云吞等等,唔识煮嘅话仲可以买下店员点煮，其实计落都唔算好贵，同出面差唔多，不过就比较新鲜，而且喺舖头入面你试过觉得好味，先买返屋企煮，都几好。
食到成三四点都仲系咁多人，keep住爆场， 杂志嘅威力真系好大。
埋单二百蚊有找，而且食得都几饱，都唔错呀。
张贴
