御滿屋日本料理

营业中

休息中

今晚相约久未见面的朋友来到食久违的日式放题，重温大学时光。御满屋就系正旺角E1出口右面既胡社生行1楼真系好放便，我哋约食晚餐紧系book左枱啦，但入面原来真系大到可以唔使book。长话短说，放题一坐底就写野食纸是常识吧，野食有炸物，小食，串烧，刺身，锅物，寿司，而甜品同野饮都可以出去自己拎。由于朋友唔多食刺身，所以我叫左自己喜欢的甜虾，肉质软滑鲜甜。寿司则叫左三文鱼，左口鱼边呢啲大路野，识食一定系叫多啲刺身加落寿司度食，例如整成劲多甜虾既寿司。熟食方面，烧菠萝其实冇得输，多汁酸甜解腻。另外芝麻鸡翼亦都系必点项目，外脆内软又juicy。由于今日lunch已经好想食鲭鱼既关系，所以即使朋友唔食都叫左一件，份量一个女仔食系岩岩好，烧得干身有油香。其他野都不过不失，而呢度最后重点系haagen dazs 或 movenpick 雪糕每人一客，士多啤梨味 movenpick 真系冇得顶，自然既酸甜味加牛奶，质地幼滑。整体黎讲2百几蚊真系好抵食，质素唔差又唔使等位，干净企理，侍应们会主动收碟，如果口痕想食日本野，呢度系唔错既选择。