Espresso Alchemy

营业中

休息中

好开心呢间我同朋友仔都好钟意食嘅Cafe，今次佢黎左我屋企附近而将军澳都开咗分店既espresso alchemy. 位置系popcorn 电梯直上就系lu环境同其他分店布置非常接近，都系采用比较舒适，宽敞嘅设计。好适合同朋友慢慢倾偈，冇时间限制嘅压力。饮品今次试咗宇治抹茶鲜奶，浓郁嘅抹茶味同奶香配合得非常好。主食今次再食厚切意大利烟肉卡邦尼意粉。上次食过返寻味，好钟意佢系厚切烟肉，香得嚟唔会咸，肉质弹得嚟亦爽口，一啲都唔「苏」。而且卡邦尼酱汁非常Creamy，配合软硬度适中，弹牙嘅意粉，非常好👍。亦试咗以前未食过嘅「乳酪青酱鸡肉意式香草包」。开头会以为好酸，但系原来乳酪中和左青酱嘅腻，系可以咁fresh! 鸡肉嘅份量亦都非常之多，唔系肥鸡肉，个包带少量蒜蓉味，食落脆口，所以成个面包味道同口感层次非常多，几适合减肥人士。最后甜品食咗法式西多士配自家制杂莓酱。厚切嘅西多士，配合少少酸味嘅杂莓酱，味道清新，非常适合作为晚饭嘅完结。