Pepper Lunch (已結業)

其实我都几钟意去Pepper Lunch食晚餐，钟意热辣辣铁板上够晒保温。今日两口子去左将军澳都几多人等位，不过好快已经有位了，我地叫左个蒜香牛肉意大利面加带子，望住d生牛肉慢慢熟，钟意几成熟即刻叉黎食，蒜香意粉软硬适中，带子唔韧又香又好食，正！芝士牛肉意大利饭追加鸡蛋同劲多芝士，捞埋黎食超级出色，整太阳蛋再啜个蛋黄最好食。捞好晒之后劲似焗饭好惹味喔！yummy！加$15就可以配汽水百事可乐+马铃薯蓉，又加$15配多杯汽水同味噌汤。薯蓉好正个汁好香！味噌汤好饮唔太浓，配料都好食！