宮葉 パフェ (已結業)

去到太子做完野经过见到几间新野食㖞，有间叫宫叶的有饭，拉面和最吸睛的甜品，就谂住试下先…入到去似日式装潢，浅色木为主，食品价钱比目中平，最后就试左一个饭和隔离桌叫的士多啤梨芭菲。好快红酒牛肋条丼 $49就黎到，见到份量都吾少㖞而且都有微微酒香，食落去都炆得腍身和入味，竟然仲有只半生熟鸡蛋都有惊喜，但我觉得酱汁偏少和淡身，如果浓点就令到整个饭更好味。最后当然系最靓的士多啤梨乳酪芭菲 $48，没想到咁大杯仲要标榜话用北海道3.6牛乳，坚抵食…上面大大粒士多啤梨吾酸又甜好味㖞，而中间乳酪份量都吾细但偏甜左少少，中间有士多啤梨干碎，脆粒粒和蜜瓜，和乳酪一起食刚刚好，最底系士多啤梨碎，但反而下面士多啤梨偏酸，应该系吾同品种吧。