鳳鳴石磨腸粉 (香港工業中心A座) (已結業)

正系开星期一至六，下午四点半就关门，要食就早啲去。大家可以打定电话叫定，咁就唔洗斋等，因为有时都几多人排队。俾大家作参考，星期六下午4点打电话叫已经正返红米肠粉。🔹红米石磨鸡蛋猪肉肠 $24★★★☆☆呢个系其中一个招牌之一，可叫套餐或散叫。肠粉全部都系即叫即整，望落份量都唔少，但如果当午餐就一定唔够食架啦，做下午茶就啱哂。虽然系红米肠粉，但食落食唔出有咩分别，肠粉都滑身，但略微有D太厚唔够薄。酱汁方面系麻辣酱，上面仲会有芫茜、蒜粒、葱，食落系几惹味，有啲似食紧口水鸡川菜FEEL。馅料方面都可以食到有鸡蛋，猪肉粒有但偏细粒，个麻辣酱都盖哂个味道。呢个肠粉啱D重口味人士，因为每啖都要加埋D酱汁食先好味，所以食完几口渴，同埋食到一半已经有少少厌左嘅感觉，两个人SHARE当下午小食OK。🌟总括：未试过可以一食，但食落未去到好惊喜，都滑嘅，但冇想像中咁滑。麻辣酱汁几重口味，似食紧川菜凉拌青瓜咁，食到尾肠粉吸哂Ｄ汁会有啲太咸。