越南米紙 (已結業)

睇完戏之后肚饿,行行下俾我同朋友发现到原来淘大附近新开左间越南餐厅,谂都唔使谂就入左去试下。 越式生牛肉汤河有两个size可以拣,我地就拣左大嘅。生牛肉质地嫩滑,汤底够清河粉份量亦好多。越式综合越南面包系法菜同越南菜嘅结合,脆卜卜嘅法包里面包住酸萝卜,青瓜,扎肉同猪肉,口感清新。越式三宝饭有齐香茅猪扒,香茅鸡翼同扎肉再配上越式油饭,好惹味。顺化香茅猪扒捞檬嘅香茅猪扒同檬粉份量 十足食极都仲有,配上越式酸辣汁,好清爽,不过檬粉有点儿太碎。珍多冰名副其实真系冰同一般饮开嘅吾同 ,吾系用冰粒而系真系用椰奶榨成碎冰,再配上珍多冰同红豆,口感十足,值得一赞。