FRITES Belgium on Tap (皇后大道中心)

营业中

休息中

喺太古广场参加完Event，咁就过中环揾吓嘢食。本来谂住去食串烧店，点知过马路嘅时候见到呢一间舖成日都经过，但系就未试过，见佢出边高枱坐满气氛几好，就改试呢一间。一入到去全场full晒，啱啱好彩一枱客起身走，咁就安排咗我哋入座。因为食咗嘢自在吹吓水咁就嗌咗两个小食同埋杯嘢饮。先嚟咗个。 Prawn and crab ball, 食落去好重蟹味，但完全感觉唔到虾嘅存在。跟住两杯嘢饮到，我个杯就Big Buddha, 果酸好重系醒胃，同埋饮落去有浸浸士多啤梨嘅味道几钟意。另外点咗一杯。One More Please俾朋友，咁啱佢就系想饮有菠萝嘅mocktail, 呢杯就系有。我都饮左朋友个杯一啖，不过我就觉得我个杯酸酸甜甜好饮啲。跟住等咗好一段时间个Mini Burger都未上，跟住睇吓原来都过咗半个钟。今就催催单，隔多咗阵就嚟咗啦。卖相正常，但食落去系常温一啲都唔热，汉堡都唔知煎咗之后放凉左几耐，呢个就真系有啲失望。除咗食物之外，气氛都系唔差嘅，啱啱撞啱隔篱𠮶枱有人生日，有店员喺度唱生日歌都好有气氛。事次用餐为自费。