Ocio (積存街) (已結業)

继续考试后的快乐时光，今日同心心去大围，顺便食个靓饭，呢间西餐厅门口好靓，价钱又唔贵㖞！入到去都觉得有点情调，如果和情人撑枱脚应该不错！午餐menu中，拣左龙虾汁炸软壳蟹会意大利饭（$58）、美国安格斯西冷牛扒拌烧汁跟意粉（$89）配草莓沙冰（跟餐转特饮加$15），另外个餐拣左热泡沫咖啡（跟餐饮品$33以内就不用加钱，其实都好多选择，平时cappuccino 通常都要加钱，但呢度都唔洗！）仲加$19要左个甜品，是日甜品都有五款可选！午餐包是日餐汤，今日是南瓜汤，质感较流质，散发淡淡的南瓜味。而意大利饭，上枱时好热，有一大旧软壳蟹，配有芦荟、洋葱和日本黄瓜，蟹肉松脆。牛扒可选五成或七成熟，今次选择五成，肉质嫩腍，虽则比较薄身但都好大块，连阿女呢d平时咬唔到肉既「无牙妹」都话好味。除了沙律配菜，意粉份量都几多。甜品拣左new York cheese cake,卖相靓亦都几大件，而且几好味，唔会太甜。见佢menu都有不少甜品拣，应该都唔差呢！