十二味 (如心廣場二期)

营业中

休息中

荃湾开多左个新商场之后，野食既选择都多左，今日同男朋友行左阵见到呢一间十二味，又小小口痕，就想入黎食下辣野。佢落单系用电子既形式扫QR code，不过你问佢既话都会有个四川干锅既menu比你睇。最后我地因为都唔系好肚饿，所以都系叫左一个葱油拌面同埋一个水煮牛肉。葱油拌面估唔到个卖相咁精美，食落葱油好够，不过如果面既质感再弹牙小小就会perfect了。睇落唔大份，不过佢都系38蚊，当系一个小小饱肚既carbs都唔错。主菜水煮牛肉黎啦！只系$158，初初我地都以为唔会好大碟，点知佢都系一般会系出面见到既size。牛肉煮得入味，我地拣左中辣，不过食落感觉都唔系太辣。比起麻辣，佢系更偏向香辣既口味。材料都好够，除左牛肉之外，仲有薯粉，菜，青瓜，莴荀等等既蔬菜。原本我地两个只系打算吃小小顶下肚，点知之后都系食饱左，哈哈！埋单只系200蚊，咁平既价钱，装修又靓既川菜去边度揾呢。