Cafe Paradise (杏花邨) (已結業)

轻松吹水cafe星期六,我地一大班朋友BOOK左呢间CAFE,边食边玩边吹水。呢间铺位置非常方便,距离杏花村地铁出口行一阵就到,系杏花新城。入到去间铺就见到摆左个好巨型既旋转木马,装修几靓,侧边仲放左只好大既毛公仔。我地叫左好多野食,以下介绍其中两款好食既。水牛城鸡翼-一碟4件,个酱汁好特别,咸咸地有D似烧汁,鸡翼都算几嫩滑。黑椒牛肉饭-牛肉好大块,肉汁丰富,7分熟,配上烧汁跟BBQ汁,用来𩠌饭都唔错既。我地系间铺HEA下HEA下HEA左3个钟,一路吹水,一路玩下,黎呢到消下遣其实唔错。价钱唔算好贵,一齐SHARE D野黎食都OK,最重要系黎呢到非常方便!