Bibo (已結業)

今次出个扼要精简报告算今次我两公婆同表妹两公婆四个人食晚饭，大家都好满意French fine dining 配合个轻松嘅环境 。服务方面有待改进，侍应嘅英文带浓重嘅法国口音，加埋几大声嘅background music 根本完全听唔到佢噏乜；未示意侍应已经埋黎落单两三次实在唔恰当，而且大把吉枱根本无必要咁催客；主菜期间唔识主动换碟；到最后落柠檬茶又漏单(不过佢地好在主动free 左拧檬茶作赔礼) 。食物方面，六道菜嘅tasting menu要九百蚊一位唔抵，我地叫左五个前菜，三个主菜，六客甜品埋单连贴士至三千五点计都抵好多。