AFTER TEN (已結業)

今朝做野充满压力，午饭时间落街行下，行经呢间cafe被佢深深吸引，门面玻璃望入去餐厅环境好写意，台櫈摆放空间感好大，加上人流唔多，我就二话不说就入左去放松下自己。餐厅日系简约装修，配以木枱、木櫈同干花摆设 ,感觉非常舒适，连餐具，杯垫我都好钟意。点左份蒜油辣虾蚬肉意粉，食物质素非常唔错，好味道，意粉煮得啱啱好，辣味蒜味适中亦好夹海鲜, 虾肉弹牙，份量充足，绝对唔会失色于西餐水准。另外试咗cold brew 咖啡，平时饮开flat white 同 iced americano。第一次饮cold brew,味道比iced americano 强烈超多，入口味道有好多层次， 第一下入口似冧酒既香醇同埋浓烈，之后就系坚果味嘅咖啡香，好有惊喜。