高興+ (已結業)

北角食肆选择真多，因为依间装修布置缘故~好光猛同得意，所以试下依间餐厅。入到里面，其中见到北角邨既图画令我回想细路时既北角邨。2个人叫左柚子大虾沙律、辣肉肠烟肉pizza、慢煮西冷牛扒、含有羽衣甘蓝果汁、同含有红菜头果汁。柚子大虾沙律：整体黎讲系新鲜，杂菜款式，有nuts，但虾质素就一般。份量足够，因为我地尽量每餐会点有蔬菜既dish，依个选择系可以的。辣肉肠烟肉pizza：值得选叫，薄饼底，够香口，够热，配料份量比例正常。慢煮西冷牛扒：值得选叫，配上薯条，薯条够热同香口，肉够腍，有牛味。含有羽衣甘蓝果汁(绿色果汁)：羽衣甘蓝好好饮，但唔系个个人啱饮，因为有人觉得有菜腥味，但配上其他生果，又中和左菜腥味。