新釗記 (已結業)

" 日头猛做, 到依家轻松吓。食过晚饭, 要休息番一阵....."   5pm放工啦, weekend 嚟啦, 心情超轻松。今晚8pm约了旧同事吃饭聚旧, 一心先回家扮靓靓, 抖一抖。到了屋企附近, 望望手表, 5:45pm  , 趁下午茶时间未过, 入去曾帮衬 (曾三数次帮衬过买早餐)的新钊记买番个tea set, 食少少嘢都好噃 。望吓张外卖纸先.....已经好耐没吃肠蛋面 (因害怕三高?!), 不过今日就豁出去...再要杯冻柠茶(少甜) , 盛惠$25 ($18+$7冻饮)。看似简单的下午茶配搭, 却容易见真章。返家后急不及待除下胶袋先, 哗, 未开盖已经涌出阵阵香味来。  开餐啦! 福面软硬度刚刚好, 不太稔; 汤底够味但不会过浓, 配料方面: 肠仔好好味 (系食开嘅厨X牌呀, 有D茶餐厅会用其他比较便宜的牌子, 不过一吃便知分别啦), 蛋煎得好, 可能是外卖缘故啦, 焗一焗反而令蛋黄介乎流心与不流心之间, 正  。饮啖冻柠茶先, 茶味够浓, 柠檬不苦涩 (少甜情况下都好好味, 难得!)好味的食物正好为我叉足电, 回味无穷。