Cafe Paradise (東寶大廈) (已結業)

北角新开西餐厅、作为北角原居民嘅我当然要有一试的决心。成日放工经过，见里面灯光昏暗，好似好有情调咁。决定选Happy Friday 和妈妈共进晚餐。安顿好座位，虽然灯光少少暗，但坐下后气氛好轻松，侍应谈吐都很亲切。留意到餐牌有石烧牛扒，价钱仲好吸引，$78再加钱转套餐。另再点意粉再加钱转套餐。另再点小食白酒忌廉青口。青口一客$78，作为小食很不错。虽然青口肉真的很细😅但系个忌廉汁好正，正到我将伴牛扒的炸薯条用黎点呢个白酒忌廉汁食，好滋味😋石烧牛扒基本上咩调味都无，自己用热石煎同加盐同胡椒。有烧汁，黑椒汁另上。78蚊一份牛扒唔会有太大期望，一般水平啦。黑松露烟三文鱼寛条面好有惊喜，寛条面软硬度啱啱好，有烟韧口感。黑松露味好香，烟三文鱼足料。跟餐是日甜品系啫喱，可以加钱转一人份窝夫甜品，作为窝夫控嘅我，点可以唔食😆窝夫即点即做，而且有士多啤梨味，上枱时仲热辣辣，上面一球冻冰冰士多啤梨雪糕，好正。为咗个咁高水准嘅窝夫 ，我一定会再访。