金田長壽司 (已結業)

今日lunch放晏左，搅到过左食饭时间好似有啲唔知饿咁，所以想食清啲，同同事两个人去左哩间我地去开嘅日本料理。哩个时间无咁多人，仲有lunch set，同一啲下午嘅特价小食，好似仲抵过我平时早放lunch咁，又唔洗迫人！不过抵还抵，之不过个餐真系太多野啦，所以我同同事一人散叫左一啲寿司，同埋叫左一个七味烧鸡亦小食同埋烧青花鱼小食就算啦！我叫左一件加拿大海胆寿司、8吋三文鱼寿司、同无头甜虾寿司及北寄贝寿司各两件。七味鸡亦我觉得淡左啲，可能因为我食得辣啦，不过肉质好嫩，无烧得太干唔错；烧青花鱼都烧得几好嫁，不过我地哩份刚好系腩位，我都系钟意啖啖肉多啲，其次系钟意个烧鱼汁，教得好好味；加拿大海胆系我嘅至爱，而且唔系成日有，所以我就点黎试下啰，个海胆好新鲜，不过啲饭就硬左啲啰！无头甜虾寿司同北寄贝寿司就无乜太特别所以唔多介绍啦，我都系钟意食有头果只甜虾，得我下次晚市再帮衬过先得！