四川担担麵 (已結業)

每一次去食四川野心情都有D沉重。 好钟意佢地既香料味，最怕系第一啖已经辣到食乜都无味。今日同朋友去试呢间由外国人开既四川担担面，听闻review唔错入去坐低有D似快餐店形式，order左要即刻结账先。店面唔大，周不时会有人企门口等位(下午茶时间)。以小店黎讲，菜牌选择唔少，面类都有十几款，仲有凉菜同饺子。由于人手较少，我地既order都等左一阵先黎。成都担担面系捞面，有花生、芝麻酱、肉碎等。捞匀后个酱汁好浓，好香芝麻花生味，偏甜，好开胃。面条弹牙，感觉好dense，煮得岩岩好。食食下先开始觉得辣。重庆担担面系汤面，但其实汤份量少，刚刚浸到面条。D料同成都担担面差唔多，只系无花生同芝麻酱，汤上面有一片红油。呢个味道比较清D，无咁辣。凉拌海带海带切得幼身，味道比两个面辣，辣油落得比较多，但系好香口水鸡俾佢红红既辣油吓亲，但系其实唔辣。酱汁味道唔错，但D鸡冇乜味。用新鲜鸡应该会几好食见到隔离枱点左饺子，卖相几吸引，下次会去试下。