影片
更多
2020-03-04
2160 浏览
早排食过满屋放题质素唔错，今次同先生book咗旺角嘅至尊满屋，睇下有咩唔同。一入门口就系自助吧，有沙律、汤品同油炸小食，特别推荐炸奶皇包同虾春卷，好有惊喜。旁边系饮品区，选择丰富，仲包括酒精饮品。饮品柜侧面系甜品同生果，当然唔少得先生至爱嘅豆腐花。首先送上嘅系刺身，我因为生理期唔食得太多生冷野，主要都系先生食，新鲜程度依旧。赤虾寿司依然系我嘅最爱，配上黑松露作点缀，令鲜味倍增，不得不为佢破戒。另一样令我破戒嘅系海胆手卷，非常新鲜，底下嘅饭比例上好少，食多两件都唔怕滞。嚟到熟食嘅部份就系我嘅世界，烧物果然冇人失望，特别系鸡翼同牛舌，烧得恰到好处，够哂香口。羊鞍烧得啱啱好，用嘅系纽西兰羊鞍，配上香草一啲都唔膻，口感嫩滑。炸物亦相当出色，特别系芝麻鸡翼，外皮金黄香脆，配上白芝麻令鸡翼更加香口；榴梿炸弹亦从来唔令人失望，榴梿馅够哂流心够哂香；唯一系吉列广岛蚝略嫌有些许腥味。虎虾天妇罗大大只，炸得够脆，而且冇油腻感，咬落肉质嫩滑弹牙。吉品鲍汁烩花胶够入味，虽然花胶唔算大只，但胜在烩得够软腍。最后系每人限定一杯嘅雪糕，我哋拣咗Dreyer’s嘅比利时朱古力同十胜红豆，朱古力味够香够浓，系先生嘅最爱
一入门口就系自助吧，有沙律、汤品同油炸小食，特别推荐炸奶皇包同虾春卷，好有惊喜。
旁边系饮品区，选择丰富，仲包括酒精饮品。
饮品柜侧面系甜品同生果，当然唔少得先生至爱嘅豆腐花。
首先送上嘅系刺身，我因为生理期唔食得太多生冷野，主要都系先生食，新鲜程度依旧。
赤虾寿司依然系我嘅最爱，配上黑松露作点缀，令鲜味倍增，不得不为佢破戒。
另一样令我破戒嘅系海胆手卷，非常新鲜，底下嘅饭比例上好少，食多两件都唔怕滞。
嚟到熟食嘅部份就系我嘅世界，烧物果然冇人失望，特别系鸡翼同牛舌，烧得恰到好处，够哂香口。
羊鞍烧得啱啱好，用嘅系纽西兰羊鞍，配上香草一啲都唔膻，口感嫩滑。
炸物亦相当出色，特别系芝麻鸡翼，外皮金黄香脆，配上白芝麻令鸡翼更加香口；榴梿炸弹亦从来唔令人失望，榴梿馅够哂流心够哂香；唯一系吉列广岛蚝略嫌有些许腥味。
虎虾天妇罗大大只，炸得够脆，而且冇油腻感，咬落肉质嫩滑弹牙。
吉品鲍汁烩花胶够入味，虽然花胶唔算大只，但胜在烩得够软腍。
最后系每人限定一杯嘅雪糕，我哋拣咗Dreyer’s嘅比利时朱古力同十胜红豆，朱古力味够香够浓，系先生嘅最爱；十胜红豆雪糕香甜软滑，加上红豆粒增加口感，亦系一个唔错嘅选择。至尊满屋同满屋分别唔大，性价比都系咁高，每位都系二百蚊左右落楼，一般日式餐厅叫几款食物已经差唔多价钱，我哋反而开始偏向拣日式放题，食物嘅款式多元化，即使唔洗博命塞都一定翻到本。
张贴
