NZ餐館 (已結業)

上星期日一班人踩单车去高埔村o既NZ餐厅食晚餐, 第一次嚟号呢间餐厅, 环境唔错, 由于而家已踏入秋天, 所以我地选择坐外面, 一d都唔会热, 而且气氛仲好d, 亦冇咁焗束, 一路都播住d旧o既英文歌, 感觉好轻松. 我地叫咗德国猪手, 烧猪颈肉, 柚子大虾沙律, 烧羊扒, 炸鱼薯条, 海南鸡饭, 烧茄子, 基本上食物全部都好味, 除咗个羊架太熟有d硬之外, 但猪手就细咗d lor  , 炸鱼薯条系最好味o既一样, 鱼炸完后仲好滑又唔油, 薯条亦没有油的感觉 , 另外, 烧猪颈肉 & 烧茄子又系好好味, 猪颈肉烧到啱啱好, 有d 松软o既感觉, 加埋佢个酱汁, 真系一流, 茄子亦唔会太干, 有d 肉碎, 好好味, 如果唔系太饱, 真系想再叫多次, 海南鸡饭正常, 因为挂住食, 所以冇影到呢款食物, 响呢度仲可以饮返杯, 真系好写意, 由于附近冇咁多大厦, 感觉舒畅. 不失为一个聚会好地方.