Gooday Cafe (已結業)

(第一次写食评，多多指教ar!!😋)中学同学饭聚，之前见到报纸报导过，心思思想试下~五个女仔book 咗间房，又有歌听，可以轻松舒服咁倾计😄听说洛神花包系推介之作，意料之外好好味㖞！(有时推介嘅野名过于实㗎嘛！最怕d面包冻冰冰!) 不过呢度嘅面包松软兼温度适中，酸酸地几开胃！点咗个红酒烩牛肉，初时见到个盘有d担心份量好似好少.....😭唔理咁多...我实在太肚饿，清晒个栗子忌廉汤，沙律头盘，奶冻，黑松露蛋同牛肉饭！原来系好饱！！😁牛肉炆得好腍，Like~! 老板娘话男仔可以免费加饭添，唔错㖞!!! 😚其实呢度每款食物都好有心思，服务又几好，而家有太多大财团垄断饮食界，又贵服务又差！个人绝对支持小本经营！😎