影片
更多
2020-07-21
67 浏览
一般去「叹茶」或者「叹返一盅两件」，都系去中式酒楼饮茶食点心。 而一般中式酒楼人声鼎沸、环境挤迫，人多时仲要搭枱，感觉好唔自在，同「叹」嘅感觉有落差。今日就去咗【星•68】感受真正叹茶喇，【星•68】喺中环万宜大厦万宜廊，要喺万宜廊外面停车场侧边入。装潢系中西合璧风格，中式老店嘅地板瓷砖、藤椅、水墨画风嘅碗碟；西式嘅吊灯、挂画、金色配蓝色嘅筷子匙羹。地方宽敞，枱与枱之间有足够空间。整体感觉雅致又新潮，冇中式酒楼𠮶种压迫感。再加有镬气嘅open kitchen，非常干净整洁，食得放心，真系feel到真正嘅「叹茶」。感觉满分，但食物先系最重要一环。坐低先叫壶茶，原来茶连西式茶都有得拣，我哋叫咗【伯爵茶】，食中式点心饮西式茶真系第一次试，但原来仲有更惊喜嘅选择！【星•68】同【丸。茶手作】合作供应台式茶饮，order台式茶饮可以豁免茶钱，真系好抵。我哋就叫咗【香浓芝士奶盖x铁观音奶茶】同【黑糖珍珠x咖啡拿铁】。点心可以喺点心纸落order，不过原来用电话scan QR code落系多啲菜式。【68荟萃全盒】即系点心拼盘，六款点心，三款咸点三款甜点，装喺个木盒度，好精致。虾饺好大粒，里面虾肉都
今日就去咗【星•68】感受真正叹茶喇，【星•68】喺中环万宜大厦万宜廊，要喺万宜廊外面停车场侧边入。装潢系中西合璧风格，中式老店嘅地板瓷砖、藤椅、水墨画风嘅碗碟；西式嘅吊灯、挂画、金色配蓝色嘅筷子匙羹。地方宽敞，枱与枱之间有足够空间。整体感觉雅致又新潮，冇中式酒楼𠮶种压迫感。再加有镬气嘅open kitchen，非常干净整洁，食得放心，真系feel到真正嘅「叹茶」。
感觉满分，但食物先系最重要一环。坐低先叫壶茶，原来茶连西式茶都有得拣，我哋叫咗【伯爵茶】，食中式点心饮西式茶真系第一次试，但原来仲有更惊喜嘅选择！【星•68】同【丸。茶手作】合作供应台式茶饮，order台式茶饮可以豁免茶钱，真系好抵。我哋就叫咗【香浓芝士奶盖x铁观音奶茶】同【黑糖珍珠x咖啡拿铁】。
点心可以喺点心纸落order，不过原来用电话scan QR code落系多啲菜式。【68荟萃全盒】即系点心拼盘，六款点心，三款咸点三款甜点，装喺个木盒度，好精致。虾饺好大粒，里面虾肉都几多；牛肉烧卖啲牛肉味都几浓。最得意系青蛙造型嘅豆沙包。
【浓鸡汤松叶蟹钳灌汤饺】灌汤饺皮薄饀料足，真系成只松叶蟹钳喺入面㗎，浓郁鸡汤令蟹钳更好味。
【话梅叉烧酥】外皮好松脆，里面仲出紧烟，好香口，不过话梅味就淡咗啲。
【酥炸鱿鱼须】炸出嚟热辣辣，里面鱿鱼爽弹。一碟份量都几多，两个人食到好饱。
呢度另一卖点就系有多款滋补炖汤供应。天气炎热再加上疫情反覆，饮返盅【金银菜南北杏炖白肺】清热润肺就perfect啦。
完全嘅一餐当然要以甜品作结。【莲蓉西米焗布甸】焗出嚟好香甜香滑。
【燕窝奶黄煎堆】煎堆外脆内软又香口，仲有养颜燕窝添！
环境舒适地方干净、食物选择丰富、味道好又有特色，好满意，好满意。今次两个人「战斗力」有限，下次多啲人可以拣午巿套餐，试埋小菜同粉面饭。
由即日起至31/7，堂食同外卖自取点心菜式、丸茶手作饮品都有 68折添~
张贴
