左麟右李粥麵小菜專門店 (已結業)

自从黄埔开通咗咗铁路，北角返工嘅人约九龙人多咗个好方便嘅地点，搭船过去就可以见。而呢度系大型住宅区，附近有好多种类嘅嘢食。今日想简单食碗粥，就拣咗呢度粥粉面饭点心都有。两个人叫咗一碗窝蛋鲜牛肉粥同一碗鲜牛肉面，想话叫个菠萝叉烧包，但原来六点前先有人整，夜咗有一堆点心都无得叫，唯有叫个叉烧肠粉。粥唔会太咸，有姜驱寒，米量都够。窝咗蛋食落鲜甜，牛肉亦好嫩滑。面食落几弹牙，都系合理质素。叉烧肠中规中矩，好味但无特别皮薄功夫。今时今日喺较高消费地区食呢啲嘢要呢个价钱都只能够话系咁上下，要方便就要付出多啲钱，间中嚟食下都可以嘅。