Just Eat (已結業)

今次终于离开comfort zone，唔再系喺公司同屋企附近饮饮食食，而系去到西环试下间新餐厅🍴呢间餐厅主打越南菜，餐厅环境简洁干净。香茅串烧鸡 $36食落有淡淡嘅香茅味唔会太浓，鸡肉唔会太老。鸡丝扎肉金边粉 76呢个粉份量好够，一个大男人食都饱，个汤底都几够味，金边粉好幼滑，鸡丝唔韧札肉够味，落埋青柠同辣椒够哂惹味。滨海伴丝网春卷 $48呢个菜式好特别，用生菜包米粉加丝网春卷，咬落去有多重口感，咬落先食到生菜嘅爽，再有放左酸辣汁嘅软软米粉，最后系香脆嘅丝网春卷！