常樂素食 (已結業)

呢排食得太多肥腻野，决定今日同朋友去食斋！因为铜锣湾食斋嘅选择唔多，咁今次就嚟咗呢间试新野。一想到去就比左右两边嘅黑板吸引着，上面都写住餐厅最近热门及推介嘅菜式，多种菜式琳琅满目，令人目不暇给，突然间都唔知食边样野先系自己想要。我哋拣咗三样菜色分别系肉燥饭、咕噜肉同蚂蚁上树。咕噜肉外型同真嘅非常相似，当然唔好要求真系有两旧骨扮埋俾你睇啦，颜色都够诚意，唔会变左鲜红色，而且仲有唔少既腰果。肉燥饭饭底份量充足，有好多冬菇粒粒、素肉粒，D汁送饭一流。虽然餐牌上写住落左药包，但完全唔觉有任何药嘅味道。蚂蚁上树一黎度已经觉得份量十足，大大碟粉丝，侍应仲问我地要几辣，第一次食梗系唔好乱黎，试一试个小辣先。粉丝好入味，唔会话劲淡，味道又唔差。两个女仔食呢个蚂蚁上树，食完真系会好饱。