微醺 (已結業)

苏豪区的确有好多嘢食，今日同朋友趁假期嚟到苏豪区觅食，你都士丹顿街见到一间几别致嘅小店，虽然系下午两点几仍然有lunch set供应，于是就入咗去医肚。小店嘅名称叫做微醺，佢哋除咗有见到indoor area, 仲有outdoor terrace. 不过天气热，都系凉下冷气好啲。佢哋嘅lunch set包沙律、餐汤、主菜和饮品，都几丰富。佢哋嘅沙律有田园沙律和水果沙律两款选择，我哋每样叫左一款，味道都非常唔错好新鲜。餐汤系蕃茄汤，质地有少少creamy, 配埋仲热嘅甘笋包，呢个头阵都算打得唔错。饮品如果唔加钱都会有普通咖啡、热茶、汽水、果汁选择。我哋选择左橙汁同苹果汁。至于主菜，我哋选择咗一份all day breakfast, 份量都唔少㗎，而且好特别，呢个早餐有西多士食，中西特色食物都集中系呢份早餐，都几特别，我都系第一次all day breakfast食到西多士。另外仲有沙律、芝士大啡菇（好Juicy ）、烟肉、黑松露酱炒滑蛋（好味）、纽伦堡肠，食完都真系几饱。朋友就叫咗轻煎三文鱼扒配嫩菠菜沙律，三文鱼扒肉厚新鲜，轻煎过都带点香脆。最特别嘅系下面嘅菠菜沙律，每一块菠菜叶都非常新