影片
更多
2018-07-07
1886 浏览
喺沙田大会堂睇完亲戚个宝贝毕业礼，一大班人就去咗美心皇宫开餐。呢度场面好墟撼。10个人可以食咩呢? 散叫有排谂，一围12人套餐一定食唔晒，食半围又少得滞。好彩睇到有个4人乳鸽餐，一于来个4加6等于10，食半围鲍鱼燕窝全包宴，再加一个4人乳鸽餐，唔使烦。鲍鱼燕窝全包宴半席 $1780烧汁煎大虾皇鸿运全猪宝盘XO酱彩凤花姿片蟹肉扒翡翠苗燕窝瑶柱冬蓉羹花菰原只鲍鱼清蒸沙巴龙趸斑美味贵妃鸡锦绣荷叶饭百年鸿运露沙田乳鸽套餐 (供四位用) $588妙龄脆皮烧乳鸽两只瑶柱冬蓉羹清蒸原条沙巴龙趸斑XO酱翠瓜炒虾仁豉汁带子蒸豆腐上菜时，啲侍应阿姐都捞到乱晒，我哋都唔理得咁多，有嘢就食。【橙汁】系半围餐跟餐来的，只有一小瓶，好彩有几个人嫌佢太甜，唔饮，卒之分到5杯。的而且确好甜。【鸿运全猪宝盘】半围都咁大碟，如果一围咪不得了?叉烧好腍好好味。烧腩仔好入味，皮又够脆。【XO酱彩凤花姿片】啲鸡肉 “鞋”咗啲，花姿片就好爽口弹牙。【XO酱翠瓜炒虾仁】我钟意食翠肉瓜和云耳，所以唔客气食多两注。【燕窝瑶柱冬蓉羹】、【瑶柱冬蓉羹】侍应阿姐真系搞到好乱，将两个羹搞乱晒。不过，其实两个羹基本上是一样，味道当然系一样，只是
10个人可以食咩呢? 散叫有排谂，一围12人套餐一定食唔晒，食半围又少得滞。好彩睇到有个4人乳鸽餐，一于来个4加6等于10，食半围鲍鱼燕窝全包宴，再加一个4人乳鸽餐，唔使烦。
鲍鱼燕窝全包宴半席 $1780
烧汁煎大虾皇
鸿运全猪宝盘
XO酱彩凤花姿片
蟹肉扒翡翠苗
燕窝瑶柱冬蓉羹
花菰原只鲍鱼
清蒸沙巴龙趸斑
美味贵妃鸡
锦绣荷叶饭
百年鸿运露
沙田乳鸽套餐 (供四位用) $588
妙龄脆皮烧乳鸽两只
瑶柱冬蓉羹
清蒸原条沙巴龙趸斑
XO酱翠瓜炒虾仁
豉汁带子蒸豆腐
上菜时，啲侍应阿姐都捞到乱晒，我哋都唔理得咁多，有嘢就食。
【橙汁】
系半围餐跟餐来的，只有一小瓶，好彩有几个人嫌佢太甜，唔饮，卒之分到5杯。的而且确好甜。【鸿运全猪宝盘】
半围都咁大碟，如果一围咪不得了?叉烧好腍好好味。
烧腩仔好入味，皮又够脆。
【XO酱彩凤花姿片】
啲鸡肉 “鞋”咗啲，花姿片就好爽口弹牙。【XO酱翠瓜炒虾仁】
我钟意食翠肉瓜和云耳，所以唔客气食多两注。【燕窝瑶柱冬蓉羹】、【瑶柱冬蓉羹】
侍应阿姐真系搞到好乱，将两个羹搞乱晒。不过，其实两个羹基本上是一样，味道当然系一样，只是其中一个羹多了少许燕窝碎而已。有碟垫住的系有燕窝。
无碟垫的系普通冬蓉羹。
【豉汁带子蒸豆腐】
豆腐白滑，豉汁味浓，带子片薄咗，正常水准。【烧汁煎大虾皇】
大虾煎得够干身，肉质够结实，唔老。烧汁就唔多有味。这个菜中规中矩。
【妙龄脆皮烧乳鸽】
我本身唔好呢啲，只食咗块炸虾片。听佢哋讲，啲乳鸽跟龙华𠮶差好远。【美味贵妃鸡】
我又无食，又系听佢哋讲啲鸡冻咗啲， “鞋” 咗啲。卒之食唔晒，有人打包番去拆肉煲鸡粥。【清蒸沙巴龙趸斑】x 2
两个餐就有两条一斤重的沙巴龙趸仔。问过酒楼可唔可以将两条换成一条大嘅，答案系唔可以。蒸得唔错，无过火。【花菰原只鲍鱼】
【蟹肉扒翡翠苗】
【锦绣荷叶饭】
食到咁上下，大家都开始投降。原来以我哋嘅食力系征服唔到自制10人餐。所以，要将个饭带走。
食埋个红豆沙，我哋就各自归家去。
张贴
