影片
更多
2014-12-19
4651 浏览
之前团购买咗呢个集团，在铜锣湾两间分店嘅High Tea! 因为价钱抵，呢两间分店又未试过！之前试过即日订位，加宁街分店Ok,而呢间唔接受，店员解释因为西饼要早一日预数，所以一定要早一日！（我知道最少要早一日，不过闲日都想试订 ）今次早两日订定位，去到刚刚三点下午茶时段！门口开扬，有好靓圣诞节装饰，入内以蓝黑为主色，座位阔落，坐得舒服！远处有酒吧及美式桌球枱，肥髀好开心玩咗一转（食完下午茶想再玩都唔得，已经有其他客人玩紧）因为小朋友平时好难得入到酒吧或桌球室！除了去渡假村有桌球枱，都无乜机会玩到正式桌球！所以好多小朋友玩！餐厅桌球棍仲预备一支短嘅！（好窝心 ）酒吧餐厅，有个好大电视播紧英超球赛，但系无开旁述，改放英文流行曲！所以都几嘈，因为刚开始下午茶，未有好多人！食到中段就多啲客人，都食呢个hightea!（不过唔知系唔系全部都系团购）坐低店员已问定叫乜餐茶！我饮热柠茶，肥髀冻柠茶！上嘅时候热柠茶唔够热 （唔知茶底系唔系煲定，或冲好所有客先攞出来！）茶味唔涩，个杯唔大！一啖就无！肥髀冻柠茶大杯啲！抵饮啲！未够钟上菜，我们四围影相兼玩下美式桌球！之后见店员每人攞两个high te
坐低店员已问定叫乜餐茶！我饮热柠茶，肥髀冻柠茶！上嘅时候热柠茶唔够热 （唔知茶底系唔系煲定，或冲好所有客先攞出来！）茶味唔涩，个杯唔大！一啖就无！肥髀冻柠茶大杯啲！抵饮啲！
未够钟上菜，我们四围影相兼玩下美式桌球！之后见店员每人攞两个high tea三层架出来（好像去饮上乳猪咁）上咗个三层架，一睇卖相，High Tea食物一样，但比加宁街分店差啲（就系一样嘅食物先有比较），连肥髀都话呢度差点！味道唔差，但卖相无𠮶边咁精致！奇怪系摆盘嘅次序都唔同！呢间汉堡包放底层！
底层：
和牛汉堡:面包松软，和牛味浓，有少许肉汁！
鹅肝汉堡:面包松软，鹅肝好细块，个包唔大都占唔到一半，又薄又细！根本食唔到鹅肝嘅juicy,一般！
焗英伦蟹肉盅:芝士蟹肉唔多，芝士味道几浓，下面薯蓉份量唔够加宁街分店多，味道就几滑同几香！
中层：
香瓜火腿:呢个最差，蜜瓜切得太薄，叉起就软叭叭，连带火腿都比香瓜拖累，散晒，味道唔错！但卖相衰！
海虾木瓜莎莎意大利包:海虾爽口，木瓜莎莎较干，不能黏在一起，一食就跌晒 面包反而几好，松软唔干！
烟三文鱼蟹子青瓜沙律:多了半粒酸甜车厘茄，蟹子卜卜脆，三文鱼烟韧！青瓜爽口！唔错！
顶层：
鲜草莓挞:草莓新鲜，吉士酱唔会好甜！挞底几脆！
糖渍苹果朱古力杯:餐牌写系芒果，来到见狠系淡黄色！食落先知系糖渍苹果！味道唔错，甜中带酸，肉质爽口！配埋甜朱古力忌廉杯，好味！我觉得特别过芒果添！
北海道3.6牛乳布甸:布甸软滑，牛奶味重！好味！
食物味道可以，店员好亲切，肥髀去门口睇圣诞节装饰，见店员姐姐扭紧汽球，对眼发晒光，姐姐都好好比咗朵花佢！开心死佢！我有叫店员帮手影相！佢都好nice帮手！我哋行开咗四围影相，店员刚上饮品，企咗一阵等我们！无求其放低就算！食到中段，店员会来收走个架！唔使占太多地方！厕所在店外，设备齐全，几干净！有清洁阿姨，唔错！
如果唔系去过加宁街分店，卖相味道有比较，呢个high tea系好味的！不过都系输比自己人 不过气氛呢边会比较轻松，走来走去都唔会觉得怪，去玩下桌球！影下相都好轻松！
舒适的一餐下午茶！
张贴
