金利銀輝茶餐廳

营业中

休息中

基于交通转车关系，每周必定有几日都会经过美孚。今日如常路经此地正值午膳时间，行经一间好几年无帮衬嘅茶记。街坊生意，门面依旧，睇完水牌墙，见唔觉太肚饿叫个平平地嘅特餐，鸡球汤意粉加杯荼走。鸡球啖啖肉重估唔到有少少鸡味，汤意就煮到同米线无乜分别。茶走有齐香、滑、浓。三十几银一个餐，厨房交足功课有凸㗎啦。埋单时见姐姐同柜台附近嘅茶客落单，见唔赶时间俾你落埋厨房都无问题㗎。交底咗三十五皮转身就行，点知姐姐叫住我，找返一蚊俾我，重报多个亲切笑容。地区小生意最好卖唔一定系食物有时就系依种邻舍亲切感。